Միջոցառումներ
Ամերիկյան կրթություն. տեսական և պատմական հեռանկարներ
3:00pm 16.11.2011
2011թ.նոյեմբերի 16-ին Երևանի ամերիկյան անկյունը կազմակերպեց «Ամերիկացիները ամերիկյան անկյունում» շարքի հերթական դասախոսությունը: «Ամերիկյան կրթություն. տեսական և պատմական հեռանկարներ» թեմայով դասախոսությամբ հանդես եկավ ԱՄՆ Ֆուլբրայթ փոխանակային ծրագրի դասախոս Ջեյն Գրինվուդը:
Բանախոսը ներկայացրեց ամերիկյան կրթության հիմնական տեսակները` սկսած ավանդական կրթությունից, որն իր մեջ ընդգրկում է հասարակությանը համապատասխան ավանդույթներ: Կրթության այս տեսակը շեշտը դնում է ուսուցանելու և ոչ` սովորելու վրա: Տիկին Գրինվուդը նաև նշեց փորձարարական, վարքագծային և ճանաչողական ուսուցման կարևորության մասին, որոնցից յուրաքանչյուրը արդյունավետ սովորելու համար առանձնահատուկ մի միջոց է: Այս բոլոր տեսությունները մեզ լուծումներ չեն տալիս, սակայն ուղղորդում են մեր ուշադրությունը կարևոր լուծումներ գտնելու:
Տիկին Գրինվուդը նշեց նաև կրթության մեջ կարգապահության դերի մասին: Թեև այս մոտեցումը հիմք է հանդիսանում մաթեմատիկայի և գիտության ոլորտների համար, սակայն այն կիրառելի է նաև շատ ուրիշ բնագավառներում: Բանախոսը նշեց նաև, որ յուրաքանչյուր ոք պետք է իմանա, որ ուսուցման գործընթացում ձախողումները անխուսափելի են:
Դասախոսությանը ներկա էին շուրջ 40 մասնակից, որոնցից շատերը Երևանի պետական համալսարանի ,Վալերի Բրյուսովի անվան լեզվաբանական համալսարանի ուսանողներ էին: Նրանք բազմաբնույթ հարցեր հնչեցրին ամերիկյան կրթության տարբեր աստիճանների վերաբերյալ: ԱՄՆ դեսպանատան տեղեկատվական ռեսուրսների կենտրոնի տնօրեն Ներսես Հայրապետյանը խոսեց միջազգային կրթության շաբաթի մասին և ԱՄՆ պետքարտուղարության միջազգայւին տեղեկատվական ծրագրերի կողմից հրատարակված ամսագրեր բաժանեց հարցուպատասխանին ակտիվորեն մասնակցող ուսանողներին: Դասախոսության մասնակիցները գոհ էին կրթության բնագավառի վերաբերյալ իրենց գիտելիքները հարստացնելու համար:
Լուսանկարներ
Դասախոսության ընթացքում
Ջեյն Գրինվուդը պատասխանում է հարցերին
Այլ Անկյուններում
| 11.05.2012 2:30pm | Ամերիկայի ազգային արգելոցները Հարգելի բարեկամներ, Մայիսի 11-ին ժամը 14:30-ին հրավիրում ենք մասնակցելու Վանաձորի ամերիկյան անկյան «Ամերիկացիները ամերիկյան անկյունում» շարքի հերթական դասախոսությանը: |
| 11.04.2012 2:30pm | Խոսքի ուժը Ապրիլի 11-ին Գյումրու ամերիկյան անկյունը հյուրընկալեց ԱՄՆ դեսպանատան էլեկտրոնային լրագրի խմբագիր Մորգան Ստիվենսոնին, որը հանդես եկավ «Բառերի ուժը» վերնագրով հանրային դասախոսությամբ: |
| 04.04.2012 2:30pm | Չիկագո. Ամերիկայի երկրորդ քաղաքը Հարգելի բարեկամներ, Ապրիլի 4-ին ժամը 14:30-ին հրավիրում ենք մասնակցելու Վանաձորի ամերիկյան անկյան ''Ամերիկացիները ամերիկյան անկյունում'' շարքի հերթական դասախոսությանը: |
| 22.03.2012 3:00pm | Գերազանց ուսուցման և նվաճումների ծրագիրը Գյումրիում Մարտի 22-ին , Գյումրու ամերիկյան անկյունը Երևանի ԱՄՆ դեսպանատան Հանրային կապերի բաժնի հետ կազմակերպեց «Գերազանց ուսուցման և նվաճումների ծրագրի» ներկայացումը: |