Ծառայություններ
Ծառայություններ | Օգտվելու կարգը
Երևանի ամերիկյան անկյան Ինտերնետից օգտվելու կանոններ
Երևանի ամերիկյան անկյունը /ԵԱԱ/ ապահովում է ազատ և անվճար մուտք դեպի տեղատվական, կրթական, ճանաչողական և մշակութային ռեսուրսներ իր օգտվողների համար` անկախ նրանց տարիքից և հասարակական դիրքից: Ամերիկյան անկյան աշխատակիցները կպատասխանեն Ձեր հարցերին, և եթե անհրաժեշտ է, կօգնեն Ձեզ նավարկելու ինտերնետում:
Ժամանակի սահմանափակումը
Համակարգիչները մատչելի են «Ով առաջինը կներկայանա, նրան էլ առաջինը կսպասարկեն» սկզբունքով: Եթե սպասողներ կան, համակարգչից օգտվելը սահմանափակվում է մեկ ժամ տևողությամբ: Համակարգչից օտվելու համար կարելի է նախապես գրանցվել 56-13-83 հեռախոսահամարով: Բոլոր օգտվողների համար համակարգիչների մատչելիությունն առավելագույնս ապահովելու նկատառումով ինտերնետից թույլատրվում է օգտվել օրական ոչ ավել քան 2 ժամ` անկախ թե քանի համակարգիչ է տվյալ պահին զբաղեցված:
Էլեկտրոնային փոստ
ԵԱԱ էլեկտրոնային փոստի անհատական հասցեներ չի տրամադրում: Ձեր նամակագրության համար Դուք կարող եք գործածել էլեկտրոնային փոստի ցանկացած առցանց հասցե:
Տվյալների ներլցնումը
Դուք կարող եք օգտագործել ճկուն սկավառակներ և ֆլաշ փոխակերպիչներ: Ինտերնետից ստացված ֆայլերը կարելի է ներլցնել կամ առաքել էլեկտրոնային փոսով:
Դուք չեք կարող.
- Օգտագործել ԵԱԱ համակարգիչները գրադարանային կամ այլ համակարգչային ցանցեր կամ համակարգեր չարտոնված մուտքի համար,
- փորձ անել վնասելու համակարգչային սարքավորումները կամ ծրագրային ապահովումը,
- փորձ անել խափանելու համակարգչային ցանցի աշխատունակությունը,
- համակարգիչները գործածել ապօրինի և քրեական նպատակով,
- օգտվել ինտերնետային խաղերից և զրուցատեղերից,
- օգտվել համակարգչից միաժամանակ երկուսից ավելի հոգով,
- այցելել ԵԱԱ նպատակին անհարիր բովանդակությամբ վեբ կայքեր:
Պատժամիջոցներ
Ինտերնետի կայաններից օգտվելու սույն կանոնների խախտման պատճառով ԵԱԱ օգտվողը կարող է զրկվել այդ իրավունքից մինչև մեկ ամիս ժամանակով: Կանոնների խախտում նկատելիս ԵԱԱ իրավունք է վերապահում ցանկացած պահի ընդհատել ինտերնետից օգտվելը: ԵԱԱ օգտվելու կանոնների հաճախակի խախտումը կարող է հանգեցնել օգտվողի իրավունքի մշտական դադարեցման:
Շնորհակալություն Երևանի ամերիկյան անկյան համակարգիչներից օգտվելու կանոնները հարգելու համար:
| 19.05.2012 1:00pm | Կյանքը ամերիկյան հարավում. գոյատևման ուղեցույց Շաբաթ, մայիսի 19-ին ժամը 13:00-ին հրավիրում ենք մասնակցելու Երևանի ամերիկյան անկյան «Ամերիկացիները ամերիկյան անկյունում» շարքի հերթական դասախոսությանը: «Կյանքը ամերիկյան հարավում. գոյատևման ուղեցույց» թեմայով : |
| 16.05.2012 2:30pm | Համալսարանից դեպի անձնական կարիերա. ուսումնառությունն ավարտելուց հետո աշխատանք գտնելը ԱՄՆ-ում Չորեքշաբթի, մայիսի 16-ին ժամը 14:30-ին հրավիրում ենք մասնակցելու Երևանի ամերիկյան անկյան «Ամերիկացիները ամերիկյան անկյունում» շարքի հերթական դասախոսությանը: |
| 15.05.2012 2:30pm | Անգլերեն լեզվի դասընթացի ավարտական միջոցառում Մայիսի 15-ին Երևանի ամերիկյան անկյունում տեղի ունեցավ անգլերեն լեզվի դասընթացն ավարտած երիտասարդների ավարտական միջացառումը: |
| 02.05.2012 2:30pm | Գրքի քննարկում՝ Զբոսանք անտառում 2012թ. մայիսի 2-ին Երևանի ամերիկյան անկյունում տեղի ունեցավ Բիլ Բրայսոնի «Զբոսանք անտառում» գրքի քննարկումը: |